Vajas lea čearggos ja poehtalaš deaivvadeapmi mas bohtet oktii galbma árktalaš jiella ja liegga árktalaš olbmot. Dát golbma sierralágan jiena mat bohtet davvin leat ráhkadan dievvasii liegga ja álššalaš musikálalaš ilbmadeami.

Romsa: Ande Somby fámolaš juoigan seaguhuvvon Kristin Mellema jienain ja su fidjola jienain, ja Nils Johansena áibmoviidodagaide manni jietnamátkkiiguin – dát dat leat Vajasa fámolaš árktalaš musihkkailbmadeapmi.
    - Mis leat gudesge iežas čuččodanbáiki, muhto mii boahtit seammá geográfalaš guovllus. Luondu ja kultuvra lea min oktasaš duogáš ja movttidahttin, nu dadjá Kristin Mellem.
    Kristina duogáš lea álbmotmusihkka ja teáhter. Maŋŋágo ledje lihkostuvvan lávddásteamit sudnos juoigi juristtain Ánde Sombyin, de mearrideigga viiddidit ovttasbarggu. Ovttas dovddus Bel Canto-musihkáriin Nils Johanseniin sii vuoddudedje Vajasa sullii jagi dan rájis.
    - Min gudege sierralágan duogáš lea mielde dahkame vuodu miellagiddevaš ovdalávddi. Ilbmadeamit vuoiŋŋadit buorebut ovttasrádiid, Nils muitala.
    Ánde buohtastahttá golmmeža golmmain jienain mat golget oktii johkan. Min ilbmadeamit leat sierraláganat, muhto dattetge mis lea seamma dovddut ja kulturipmárdus, ja dát dat dahká ovttasbarggu čearggusin ja addá dasa buriid šattuid. Mii stoahkat iežamet ovdan nuohtaiguin, Ánde dadjá.
    Moatti hárjehallama maŋŋá Vajas geahččalii konseapttas guldaleddjii beljiid ovddas. Sin dohkkeheapmi bodii dulvin, ja dat attii golmmežii sihke iešluohttámuša ja oadjebasvuoda bargat. Jurdagat leat ilbman álkit, ja dál joavku dáhttu ovddidit musihkas ain eambbo.

Poehtalaš álša
Vajas lea bargan ja geahččalan odasmahttit árbevirolaš juoiganteavsttaid almmá massekeahttá iežas poehtalaš álšša. Ánde Somby lea dovddus dainnago son hálddaša dáinna buorebut go eatnašat.
    - Árbevirolaš juoiganteavsttat lea iežas poehtalaš álša. Teavsttat leat menddo persovnnalaččat ja lahka olbmuid eallima, nu ahte eai heive stuoribuš guldaleaddji jovkui. Mun lean bargan teavsttaiguin dan lagaš vuodus mii mus daidda lea, ja poehtalaš álša ii leat duššan dainna. Deba dáid árvogedggiid heive sáddet viidáseappot, nu ahte dáláš sámitge sáhttet daiguin illudit, Ánde dadjá.
    - Sihke teavsttat ja oppalaš musihkkailbmadeapmi lea deatalaš Vajasii. Sii čatnet alcceseaset jietan- ja čuovgabargiid, gudet gullet lahkalagaid oktii jovkkuin.
    - Ilbmadeapmi lea oppalaš. Mii dáhttut addit guldaleddjiide dakkár mállása mas leat buorit máistagat, Ánde dadjá.
    - Min musihka erenoamášvuohta lea ahte dat ii leat fiidnuduvvon. Johtu slájaid gaskka manná váraid, muhto ilbmadeapmi lea guovdilis ášši, ja dan lea vejolaš dolvvodit ravddaid dási maid, Kristin dadjá.