Vajasis ilbman ođđa EP

Vajasis lea ilbman ođđa EP, man namma lea "Sacred stone". EP:in doaivu joavku sámi musihka šaddat dovddusin máilmmi musihkas.

– Vajasis lea guovttebeallásaš áigomuš musihkain. Vuosttaš bealli lea sámi musihka dovddusin dahkat, muhto maiddái dat ahte sámi musihkka šattašii lunddolaš oassin máilmmi musihkas, lohká Ánde Somby.

Romssa sullo luohti cuojahuvvui vuosttaš geardde juo 2003:s go joavku doalai iežas vuosttaš konseartta, mudui gulat EP:s elektrovnnalaš ludiid nugo Sacres Stone, The Stars Girls (Nástti Nieiddat), Pub Crow ja Burned Shamanjs (Boldon Noaiddit).

Riddu Riddu-áviisa rábmui
Riddu Riddu-áviisa rábmui 2004:s Vajas arktalaš poesiija dán láhkái "Vajas lea cearggus ja poehtalaš deaivvadeapmi mas bohtet oktii galbma arktalaš jiella ja liegga árktalaš olbmot. Dát golbma sierralágán jiena mat bohtet davvin leat sierralágan jienat mat leat ráhkadan dievvasii liegga álššálaš musihkalalaš ilbmadeami."

Teakstadahkki ja juoigi Ánde Somby buohtastahttá Vajasa joavkku golmmain jienain mat golget oktii johkan. Sii leat Niillasa studios Tromssa gávpogis ráhkadan buot šuo?aid, stoahkan ludiin ja nuohtaiguin, dassái go Ándde luodit leat viidon, rievdan ja oktii šaddan Kristina ja Niillasa musihkain.

Boahtte jagi almmuhuvvo CD
Kristin Mellem duogáš lea álbmot musihkka ja teáhter, Ánde Somby lea juoigi jurista, ja Niillasis lea duogáš dovddus Bel Canto joavkkus. Buot golmmas ásset Romssas Davvi-Norggas. Jagi 2003:s álggahedje dát gommmas Vajasa. Ánde Somby ii lohkan joavkku áigut eará oktii cuojahit ovttas, muhto de liikojedje ovttasbargui, ja gulaleaddjiit háliidedje eanet gullat sis.

Vajasa ođđa CD ilbmá guovvamánus boahtte jagi.